[piping walang kamay] dalamhating nakikibaka

Nobyembre

sabihin mo sa mga puno
na ipagpag ang mga dahon
iyong malapit nang matuyot
at maging iyong mga pinanawan
na ng buhay

upang sa kanilang paghiga sa lupa

lumatag sila doon sa daraanan

maging sapin sa lalakaran

nitong agunyas na babaybaying marahan

ang landas patungo sa himlayan

kung saan patuloy na hinahanap

ang katarungan

sa ganitong lipunang
mayroon ang sambayanan

iyong humihinga pa'y ang libingan na ang hinuhukay
iyong naglalakad ngunit tila naman patay
iyong nagnanais mabuhay ngunit pinagkakaitan
tinatanggal unti-unti ang dangal
hanggang sa pumanaw na tila baga nagpatiwakal

darating din ang araw

na pagkabuhay na ang maaalala

kapag gugunitain ka

darating din ang araw

na papahalagahan na ang buhay

hanggang sa pagpanaw

na ipaglalaban ang karapatang

mabuhay ng marangal

dahil paglaban ang sandigan
sa pamamagitan ng sama-samang pagkilos
ng mamamayan
para sa karapatan
at mababawasan na
ang pag-awit ng
agunyas

tuwing may papanaw...

+ang larawan ay mula sa artknowledgenews

[piping walang kamay] maligayang kaarawan

isang araw matapos kang isilang
kinailangan tayong magkawalay


ilang araw na dapat tiisin
upang higit pang patatagin
ang bigkis ng pag-ibig
at ang pagsintang binuo
kasama ng dugo pawis at luha
na laan para sa paglaban
at
paglaya


marahil kung paano ka
ako at maraming iba pa
nabuhay
ganoon din ang ating pag-ibig


nalikha upang lumaban
mabuhay
hanggang may hininga


kahit minsan kailangang magkalayo
ang pagitan nating dalawa




*nilikha para sa kaarawan ng aking pag-ibig. 

[maria baleriz liwanag] Hindi namamalayang pagkamakasarili

dahil sa pagpipilit ninyo

na mag-aral at magtrabaho

para sa pamilyang mayroon at bubuuhin

at tutulungan ninyo

hindi na namamalayan ng marami

nahulog na sa patibong ng pagiging

makasarili

ang resulta ng lahat

kahirapan sa kalakhan
habang karangyaan sa iilan

at hindi pa nasapatan itong iilan
dahil sa pagkaganid
itinutulak ay hindi na mabilang na pagkasira
at pagpanaw ng mga humihinga

dahil sa itinutulak nilang

hindi makatarungang digma

para magkamal pa ng maraming kita
lupain at pagsasamantala

[maria baleriz liwanag] patalim lumalapit

kamusta setyembre?

ang pangangailangan mo

humigpit pang lalo

dahil ba palapit ang pasko?

wala pang isang linggo

mula noong dumating ka dito

[piping walang kamay] hanapin natin si

si                 ay maaaring iyong kasintahan

o kaya mahal mong anak

o pamangkin o apo

maaaring iyong ama o ina

o pinakamamahal na asawa

o pangalawang asawa

o

maaaring lola mo o lola

kuya mo o ate

isang kaibigan o kakilala o kaklase

[severino hermoso] paalam

bago ako tuluyang magpaalam
sa kagandahang ipinamamalas
nitong kabilugan ng buwan
hinipan ko mula sa aking palad
ang kahilingang ibig makamtan
iyon ang:

[piping walang kamay] wala

 i.

kalakhan

walang kabuhayan

problema ang ihahain

sa hapag kainan

wala

pang kakainin ang kumakalam

na sikmura

[maria baleriz liwanag] binati ng ulan ang pagdating mo Setyembre

kanina
habang umaambon
(matapos humupa ang pagbuhos ng ulan)
pinili kong maglakad-lakad
upang simulang hanapin
doon sa lansangan
ang ikaw

[piping walang kamay] pangungulila

walang anu-ano'y nadagdagan

muli

ang nais kong panaginipan

ang makapiling ka't

kasamang minamasdan

ang kariktang angkin

ng bilog na buwan

sa lalong madaling panahon

sa lalong madaling panahon...

+ang larawan ay mula sa layoutsparks.com