Ipinapakita ang mga post na may etiketa na edukasyon. Ipakita ang lahat ng mga post
Ipinapakita ang mga post na may etiketa na edukasyon. Ipakita ang lahat ng mga post

Linggo, Pebrero 9, 2014

[maria baleriz liwanag] sa bukid

Walang komento:
Anong malupit na dahilan
ang pumilit sa isang paslit
upang ang pakikipaglaro'y ipagpalit
sa pagbabanat ng buto dito sa bukid

hindi mo man lang ba naitanong kung bakit
imbes na dala'y kwaderno aklat pambura at lapis
asarol itak at karit ang kanilang bitbit

inalam mo ba ang dahilan ng iyong pagtataka
na imbes ang kanilang tinutuklas
matuto sa eskwela
kanilang hinahanap panlaman sa sikmura

sa halip na dumagdag sa mga umuusig
bakit di ka sumama na wakasan itong sakit
na dulot ng mga iilang sa yaman ay napakaganid?


Image by FlamingText.com




Lunes, Hunyo 10, 2013

[Piping Walang Kamay] panalangin sa klase

Walang komento:
magnilay-nilay tayo ngayong unang araw ng klase
tinubos na ni Kristel Tejada ang ating mga pake

hindi lamang dapat pag-aaral ng mabuti
marami mang papasok marami pa din ang hindi

pagtapos ng bawat panalangin
kung saan pasasalamat ay lalamanin

huwag nating kalimutan ang mga martir
na dahil sa edukasyon buhay nag-disappear

makibaka ka para sa karapatang makapag-aral
isa itong mabuti at marangal na asal

Image by FlamingText.com


*pake - utang

Lunes, Hunyo 3, 2013

[piping walang kamay] pasukan

Walang komento:

tumilaok na ang tandang
wari mo alarm clock na nananawagang
pumatak na ang hudyat upang
magmulat magbangon at maligo
hilamusan ang pagkatao
magpalit nang bihisang kamiseta
malapit nang sumungaw ang umaga

malapit nang humiyaw ang bell
marami-rami na rin namang naghahabulan
ang mga guro bago ang bihisan

may mga bagong usbong sa mga halaman
may mga bagong sanga sa mga puno
may mga bagong mukha sa silid
suot ang unipormeng pinaglumaan ng kapatid

subalit marami pang nananatili
siksikan sa mga silid na mumunti
pisarang bagong pinta't hinabi
bentilador na bungi na ang elesi
yayat na mga katawan, alikabok sa yapak at binti

sa lumang back pack na gamit
pinaglumaang kwaderno ang bitbit
isang bolpen, upod na pambura, at maliit na lapis
habang naglalakad na bituka'y galit
nagdarasal na may mga aklat na ma-awit

sa unang klase marami pa rin ang absent
iyong iba sa pagawaan na present

at yaong mga dahong natuyot
humimlay na sa sahig

habang sa pasukan si manong guard
napapakamot sa ulo habang nakangiti

ang matandang punong narra nakatindig


Image by FlamingText.com

Martes, Marso 19, 2013

[piping walang kamay] ihahatid namin ang katarungan

Walang komento:

habang hinahatid ka ng mga panalangin
at mga matang hangad ay katarungan
nagdadalamhati ang mga dahon
sa bawat puno at halaman
na ating nadaanan

walang lamig na ibinibigay ang hangin
sapagkat siya'y nakahimpil
nagbibigay pugay sa iyo Kristel

panahon na ng tag-init
ngunit makulimlim ang langit
at bumuhos ang laksang luha
animo mo binabasbasan
ang bawat mong daraanan

hindi namin isinama ang pangako
bagkus panghahawakan namin ito
ang patuloy na paglaban para sa katarungan
sapagkat batid namin
kung hindi naming gagawin
ayon kay Kiko sa kanyang winika
madaragdagan ang mga
nilamon ng sistema

sa mga susunod na araw
raragasa hindi na mga luha
kundi ang bawat
paghakbang na dapat
upang katarungan ay makuha
at maihatid sa tulad mo
na pinaslang
nitong patuloy
sa pagkabulok
na sistema


Image by FlamingText.com