ikaw ay isang obra na hinubog ng panahon
hinagod ng tumitinding hirap ng ngayon
kay husay na ginuhit ng pagsasamantala
ang angkin mong kariktan ay dahil sa iyong pag-alma
sa pinsel na tila di na gagana
maingat na inilapat ang kulay mong walang sing ganda
halaw sa imahe ng mahal nating masa
matikas sa pagtindig ang tulad mong mandirigma
at sa bawat musikang inaawit ng iyong mga tula
upang isalaysay ang ilang daang taon nating pakikibaka
paano ko ba maiiwasang puso'y di humanga?
ang larawan ay mula sa fineart america
Walang komento:
Mag-post ng isang Komento