Sapat upang pag alabin ang paghihimagsik
Na hinabi sa mga dahon ng mga bulaklak
at kinalmot sa balat ng yakal
Na siyang masiglang nagpabulwak
Sa luha na magpapayaman
at didilig sa pag-aalsang di mawawakawak
Upang kung maligaw man saglit ang katinuan
Doon sa kadawagan ng mga patay gutom at kahirapan
Kahit katiting
Makaramdam ka man lang ng paglaban
At sa gayon, sa susunod na paghakbang
ng mga paang tinutungtungan
Babagtasin na nila’y yaong matarik at malubak na eskinita
Kung saan ang himagsikan ay yumayabong ng walang sing ganda
Walang komento:
Mag-post ng isang Komento