Nakahimpil ang oras
sa loob ng bote.
Gumagapang ang mga segundo
at nagpapahinga ang ang mga minuto,
pati tayo.
Ang serbesa'y isang kaibigang
lagi't laging daluyan
ng ating mga pantasya:
Sabayang nagpapalimot
at nagtutulak ng ating mga baong alaala.
Patuloy sa pag-inog ang mundo
at maraming nangyayaring mahalaga.
Ngunit sa maraming pagkakataon,
tulad ngayon:
Pumipili tayo't
iisipin nating di ito mahalaga
upang pagtakpan ang pait
ng katotohanang
wala tayong
(magagawa)
ginagawa.
* kay isagani, sa mga walang humpay na pag-uusap
Walang komento:
Mag-post ng isang Komento