Sabado, Enero 19, 2013

[piping walang kamay] naligaw

Walang komento:


madalas naliligaw ang disgrasya sa tuwid na daan
suki sa ating lupang sinilangan kamakailan
ang binansagang korap na bayan nitong si Jackie Chan

noong nakaraang taon dito sa bansa
may 'naligaw' na bapor ng kano na may toxic waste na karga
kamakailan 'naligaw' ang isang drone ng kano malapit sa isa sa ating mga isla
tapos isang bapor ng US ang 'naligaw' at puminsala sa mga korales ng Tubabataha

                                                                                                     mahirap ang naliligaw
 nakamamatay
                                              nakakasira
                                                              nakakapinsala
                                                        hindi ba't ito ang ikinamatay ni Stephanie Ella?
                                                                                     tinamaan ng naligaw na bala

ngunit kapag pamahalaan ng kano
ang etiketang dala ng mga naligaw na aparato
ayos lang iyan sa gobyernong ito ni abno

                                                               kapag pagmamay-ari ng mga bansang hindi alyado
                                                  at hindi kasundo ng mga kano kulang na lang maghuramentado
                                                                     ang mga tuta ng kano na nanunungkulan sa gobyerno

paano 'ka n'yo?

balikan natin noong magpapakawala ng missile ang Korea
ang nilikhang reaksyon ng gobyerno ay pagkataranta
mabilis pa sa alas kwatro naglabas ng alarma
samantalang itong ginagawa ng mga puting buwaya
pinsalang malubha na, atas lang sa atin kumalma?

naliligaw na ang mga loko sa palasyo
sa tuwid na daan
na sila mismo ang nagmamaneho
disgrasya ang tinutungo
at nandadamay na ang mga damuho!

kaiingat tayo
ingat tayo

[tula] 2013_09_01

*Ibasura ang visitong forces agreement!

Hindi kawalang aksyon ang dapat maging tugon sa pinsalang patuloy na nililikha ng gobyerno mga kano at ng hukbong sandatahan nito sa bansa at sa mamamayan. kailangan kalampagin at tuligin natin ng protesta ang Pamahalaan ni PNoy. Hindi simpleng bagay ang nangyari sa Tubbataha reefs. Hindi biro ang mapadpad ang mga bapor dito na may lulang mga toxic waste. Hindi dapat tayo nananahimik sa mga pagkakataong nilalapastangan ang ating soberanya nitong Ganid at pahirap na Gobyerno ng amerika.

Imperyalismo Ibagsak! 



Image by FlamingText.com

Martes, Enero 15, 2013

[piping walang kamay] abot

Walang komento:

bakit kaya silang mga biktima
nitong bumisitang si Pablo
hindi maabutan ni Enrile ng halaga
na ipinamahagi niya
sa ilang mga senador ng bansa?

siguro nga
mas naghihirap silang mga mambabatas
kaysa sa mga biktima
at milyong mga maralita...


Image by FlamingText.com


*ang larawan ay mula sa CNN

Lunes, Enero 14, 2013

[piping walang kamay] pabalbal

Walang komento:
and really

sa tingin ko
malaki ang maitutulong
nung napakalaking halaga
na ipinamudmod
sa piling mga senador ng bansa

kung ibinigay ito
sa mga nasalanta ng kalamidad
silang napurwisyo nina
habagat at pablo
iyong mga nawalan ng tahanan
noong magpapasko at magbabagong taon
dahil sa sunog, landslide, baha at demolisyon

maging doon sa mga biktima ng mga paputok
at nabundol ng ligaw na bala

and really

i think so
napakalaking tulong nito
upang makapagsimula sila
matapos ang malaking pinsala

Image by FlamingText.com

Linggo, Enero 13, 2013

[maria baleriz liwanag] kung maaari lamang sumagot ang drone

Walang komento:

natitiyak kong ito na lang ang tinanong
noong matagpuan ito sa isa sa mga
karagatan ng bansang pinagpala
subalit halos nag-uumapaw na sa mga maralita

ano ang kanyang ginagawa sa bansa?
bakit siya nagpapalutang-lutang
sa katubigan ng Masbate
libong milya ang layo
sa pinakamalapit na base militar ng mga kano?

hindi na mag-aaksaya ng panahon
na tanungin pa ang mga opisyal ng Malakanyang
at mga opisyal ng navy sa bansa
kahit si PNoy hindi na natin mariringgan
ng mga sagot ng kanyang pagkatuta

kung maaari lamang sumagot ang drone

Image by FlamingText.com

**Isang sasakyang panghimpapawid ang drone na hindi na kailangan ng piloto sapagkat pinapagana ng remote control. Ito ay ginagamit ng mga hukbong sandatahan ng malalakas at mayayamang bansa bilang armas pandigma o pansiyasat upang makapangalap ng mga impormasyon sa kanilang target na bansa o lugar.

Sabado, Enero 12, 2013

[piping walang kamay] drone

Walang komento:
hindi maaaring magsinungaling
ang mga titik na makikita
sa drone* na namataang
nasa isa sa mga karagatan ng bansa
palutang-lutang

hindi maaaring maghabi
ng sinulid sa tubig

ano kayang isasagot ng mga nasa malakanyang
at ng mga opisyal ng Navy sa bansa
at ng mga kanong may dahilan
bakit naligaw sa karagatang ating saklaw
ang isang sasakyang panghimpapawid
na pinapagana ng remote control lang ang gamit?

sila tiyak magagawang maghabi ng sinulid
kahit saang lupalop ng daigdig.

Image by FlamingText.com


*Isang sasakyang panghimpapawid na hindi na kailangan ng piloto sapagkat pinapagana ng remote control. Ito ay ginagamit ng mga hukbong sandatahan ng malalakas at mayayamang bansa bilang armas pandigma o pansiyasat upang makapangalap ng mga impormasyon sa kanilang target na bansa o lugar.

Kamakailan ay natagpuan ng ilang mangingisda sa baybaying dagat ng Masbate ang isang drone na palutang lutang.

Ang larawan ay mula sa MailOnline

Biyernes, Enero 11, 2013

[maria baleriz liwanag] hati-hati

Walang komento:

masdan natin
at bilangin na din
baka sakali
malaman natin ilan ang mga nagkukumahog
sa biyayang isinilid sa isang supot
na magtatawid sa sikmurang kumakalam
at tuyot na lalamunan
hanggang sa kasalukuyan

habang ang ilan sa Senado
nagpipista sa biyayang kanilang natamo
sa isa sa mga panginoong namumuno sa estado
at sa pamimigay ng regalo
balak pa atang daigin si Santa Claus na di naman santo

kukulangin ang ilang oras nang pagbibilang
at maaaring magkaulol-ulol ang dila nino man
habang binibigkas isa-isa ang bilang
ng kabuuhang halaga na kanilang
pinaghati-hatian...

Image by FlamingText.com

*ang mga kamay sa larawan (mula sa theAtlantic) ay kuha mula sa mga nag-aagawang biktima ng kalamidad noong nakaraang taon sa Compostela Valley. 



[piping walang kamay] RA no. 10175: philippine democrazy

Walang komento:


                                                   d
                                  i            a       
      m        l            p
                                                                        u         i
walang puting kalapating                     l                   
para sa pag-alma

kundi                              m      b      o  
                              a                              b      
                     p                                               o  m   b   a             ng
                                                                                                                   t u b i g
mula sa trak ng bumbero

o kukulayan ng pasa at bukol
at pipirmahan ng   d    u     g     o
ang ano mang bahagi ng katawan mo
gamit ang yantok o armas
o ang kanilang mga paa't kamao
              bago mo himasin ang mga bakal        
                                                                         sa kulungang sa iyo'y             p
                                                                                                                                a
                                                                                                                                   g
o may susuot na bala                                                                                                b
hindi man sa iyong ulo                                                                                                   a
lalagutin pa rin ang paghinga                                                                                            b
                                                                                                                                             a
                                                                                                                                                    g
o kaya maglalaho kang parang bula                                                                                      s
                                                                                                                                                       a
walang bakas                                                                                                                           k
sapagkat binura                                                                                                                    a
ng mga baril at bala                                                                                                                  n
na gamit ng mga berdugong
piniringan ng pera ang mga mata
at nakaunipormeng may
PNP at AFP na nakalista

dinagdagan at pinatindi pa nilang
                 mga mapagsamantala

                                                         noong ipasa ang
                                                      Republic Act No. 10175

Cybercrime Prevention Act of 2012

panggapos sa pag-alma
ng mga gumagamit ng virtual na mundo

walang puwang ang pag-alma
sa demokrasyang sinasabi nila

kapag narito ka sa bansang pinaghaharian
nitong gobyerno ng mga American


Image by FlamingText.com

Martes, Enero 8, 2013

[piping walang kamay] ligaw na punglo

Walang komento:


hindi ang balang aksidenteng bumisita
sa loob ng mura mong ulunan at nagpahiga sa iyo sa lupa
ang kumitil sa iyong musmos na pag-asa
na makaguhit pa ng mga makukulay na obra
gamit ang iyong mga waterkolor at krayola

pinaslang ng lipunang ito ang iyong pangarap
na maging dakila pa sa mga darating na araw

saka lamang nila pinagtatalunan matapos ang iyong pagpanaw
nararapat bang ipagbawal na magmay-ari ng baril ang mga sibilyan?

hindi ka na makasasayaw gamit ang pandiritas na iyong paborito
hindi mo na mababasa ang maraming libro
hindi mo na maiguguhit ng makulay ang mga pangarap mo
marahas na tinuldukan ng ligaw na punglo
ang mga ngiting madalas mamutawi sa iyo

hayaan mong kami ang gumuhit para sa iyo
iiindak din ang aming katawan ng buong sigla tulad mo
at kahit nalulungkot at nagagalit dahil sa iyong pagpanaw
ngingiti pa rin kaming may pag-asa sa bawat araw
para sa katarungang kakamtin balang araw...

*laan para sa mga tulad mo stephanie nicole ella


Image by FlamingText.com


ang akdang ito ay mababasa din sa facebook.