Hindi ako nagseselos
sa kung ano ang nauna sa akin.
Kahit pa sa isang lalaki
sa iyong mga balikat,
kahit pa sa daang mga lalake sa iyong buhok,
kahit pa sa libong mga lalake sa pagitan ng iyong mga dibdib at paanan,
kahit tulad ng ilog
na lipos ng langong mga lalake
na lumalangoy tungo sa marahas na dagat,
sa walang hanggang daluyong, sa Oras!
Dalhin mo silang lahat
kung saan ako naghihintay sa iyo;
palagi tayo lamang,
palaging tayo ikaw at ako
nag-iisa sa mundo
upang simulan ang ating buhay!
*Salin ng tula na "Always" ni Pablo Neruda. Ang larawan ay mula rito.
Walang komento:
Mag-post ng isang Komento