Linggo, Nobyembre 16, 2008

katahimikan

nabura na sa gunita ng mga mortal
ang minsang itinono ng mga ngayo'y nakahimlay.
doon sa hantungan ng mga pumanaw na katauhan
nagkasama-sama
at maingat na nilalaro
ang pinakamagandang pyesa nilang awit.
kasamang tumutugtog ang mga maya at pipit
animo orchestra sa entablado.
hatid ay kapayapaan sa isip na gumugulo
ginugulo ng problema.
pag-ibig at panata.
nagbabalik sa pagniniig ang paligid
at pagka-umid ng pandama.


Image by FlamingText.com

Walang komento: