ang mga oras na nabubuo
ang pagpatak ng segundo
katumbas ay paghinga, pawis at dugo
sa tsinelas kong wala na sigurong itatagal
kapag nakipambuno pa sa aspalto at semento at lubak
at sumisisid sa baha at burak
kay raming pinagdaanan
pinagsamahan
kasama ng paa kong kumapal na ang kalyong namahay
ilang sugat at galos at paltos
ilang pilay at pasa at maga ang tinamo
subalit tuloy pa din sa pag-ikot
tuloy sa paglalakbay
Walang komento:
Mag-post ng isang Komento