Matitikas ang tindig ng mga gusali.
Nagyayabang sa tayog at kariktan
doon sa katabing lote na kinatitirikan
ng mga barung-barong ng karukhaan
Napakaraming kondominyum na ang naitayo.
Marami pa ding bakanteng mga pinto
habang sa ilalim ng mga tulay at tabing estero
nagsisiksikang daig pa ang mga sardinas sa lata
itong karamihan sa ating inaapi ng sistema.
Mga tinawag ng lipunan
maralita.
Walang komento:
Mag-post ng isang Komento