May busal ang bibig
May piring ang mata
Pati tenga pinasakan ng pambara
Tila robot tayong pinasusunod nila
Hindi po kami makinang de-pindot
Tao po kami may puso’t isip, natutuwa nalulungkot
May karapatang umalma marunong sumagot
Hindi kami mga musmos na nauuto at matatakot
Hindi mabubulagan sa mga “kending”nakabalot
Sapagakat ang dignidad po hindi napupulot
Ayaw po naming sa huwad na pangako
Tao po kaming naghihinay ng sagot
Mga pangarap na mahirap maabot
Kahit may balakid pilit isusuot
Kahit pa nga buhay ay malagot
Matamasa lang ng lahat ginhawang dulot
Sugatan man ang isipan maging ang puso
Batid kong magtutuloy ang laban sa pagbugso...
-orly oboza
ang larawan ay mula sa fineart america
Walang komento:
Mag-post ng isang Komento