naglabas ng milyon-milyong pondo
itong magaling na gobyerno
upang ihasik sa Zamboanga ang impyerno
kaliwa't kanang bomba at punglo
lumilipad sa kung saan-saang dako
upang mailunsad ang digmaang moro-moro
kapag sibilyan ang natamaan
isisisi sa mga rebeldeng kalaban
ang sala sa mga balang naligaw
o kaya collateral damage ang sigaw
ng mga bayarang berdugong dumayo pa sa Mindanaw
para bigyang katuwiran ang kanilang kainutilan
at upang pagtakpan ang pork barrel scam
ng mga amo nilang daig pa ang mga baboy at halimaw
nauulit ang propisiya | maria baleriz liwanag | ©2013
Walang komento:
Mag-post ng isang Komento