hindi maikukubli
ng piring sa mga mata
ang pagkalam ng maraming sikmura
hindi kayang pagtakpan
ng piring sa mga mata
ang laksang biktima ng pagsasamantala
nitong iilang nabubuhay sa buwis
ng mga nagbubuwis ng buhay
sa paghahanapbuhay
higit pa
hindi maikukubli
ang laganap na pagdurusa
ng mga mamamayan
sa paligid
kung wala namang talagang piring
simula't sapul pa
madalas
hinahayaan nating piringan tayo
ng ating mga naririnig at nakikita
kahit iba ang ating nararamdaman at naamoy
sa ating paligid
dahil sa kagagawan ng mga ganid.
may sarili piring kang pinahintulutan mong ikabit
Walang komento:
Mag-post ng isang Komento