habang umaambon
(matapos humupa ang pagbuhos ng ulan)
pinili kong maglakad-lakad
upang simulang hanapin
doon sa lansangan
ang ikaw
nagbabakasakaling matagpuan
alin man sa mga nagdaraan
na natatabingan ng hawak na payong
o
makita ka
sa kahit saang kalsada o bangketa
na ngayon umaapaw na
sa pagkakabasa nitong mga ambon
tulad nitong mga ambon
titila din ang pagluha
subalit
matagal pang matutuyo
itong nadaramang pangungulila
kararating lang nitong Setyembre
namalayan ko na lang noong
huminto sa harapan
ang pampasaherong sasakyan
at bago siya kumilos upang bumaba
nag-abot ng walong piso doon sa mama
ngunit ikaw
wala
maghihintay ako
wala mang payong na dala
'di man maawat ang ambon
patuloy man akong maanggihan
nakahanda akong mabasa
upang makasama ka
muli
*isinulat noong ika-1 ng Setyembre 2012
+ang larawan ay mula sa my.opera.com
Walang komento:
Mag-post ng isang Komento