i.
kalakhan
walang kabuhayan
problema ang ihahain
sa hapag kainan
wala
pang kakainin ang kumakalam
na sikmura
putang wala
ii.
kalakhan
wala
kahit pambayad sa matrikula
o
wala
kahit pamasahe o pambaon
upang makapasok
sa eskwela
iii.
kalakhan
sa mga maralita isinisisi ang
sanhi diumano ng pagbaha
sa kalakhang Maynila
nanguna pa ang pamahalaan sa ganito
para ba gang hindi biktima ang
mga kababayang maralita
kung akusahan nitong gobyerno
at nitong mga makikitid mag-isip
na mayroong kitang higit sa ilang daang piso
wala
walang kasalanan ang mga mayayamang ito
wala
walang kasalanan ang mga pulitikong ito
wala
hindi sila ang may gawa ng pagbaha
ang bathalang sila ang may gawa
buti hindi nila sinisisi ang ulan
sa mga dukha
iv.
hanggang ngayon
wala
at maraming dumadagdag
sa mga nawawala
ilan lamang sina
jonas burgos at james balao
sherlyn cadapan at karen empeno
ilang taon na ang nakaraan
hanggang ngayon
wala
maliban sa mga kaanak
pamilya, kaibigan, at kakilala
mga nagmamalasakit
maghanap?
wala ba?
Walang komento:
Mag-post ng isang Komento