[piping walang kamay] maligayang kaarawan

isang araw matapos kang isilang
kinailangan tayong magkawalay


ilang araw na dapat tiisin
upang higit pang patatagin
ang bigkis ng pag-ibig
at ang pagsintang binuo
kasama ng dugo pawis at luha
na laan para sa paglaban
at
paglaya


marahil kung paano ka
ako at maraming iba pa
nabuhay
ganoon din ang ating pag-ibig


nalikha upang lumaban
mabuhay
hanggang may hininga


kahit minsan kailangang magkalayo
ang pagitan nating dalawa




*nilikha para sa kaarawan ng aking pag-ibig.