Miyerkules, Hulyo 23, 2008

paano nga kaya?

paano nga kaya manligaw ang paru-paro?
may mataimtim pa bang dasal?
o mga sulat ng pagmamahal?

ang mga kalapati paano masaktan?
umiiyak din kaya sila kapag iniiwan ng mahal?

parang ayaw ko ng tanungin ang aso kung paano.
sigurado atang walang katapatan
doon sa kanilang puso?

mainam siguro ang mga penguin?

may tatapat pa kaya sa dalisay niyang pag-ibig?

ikaw ba ay paano?
sa usaping pagtatangi ng puso
handa ka bang ipaglaban ang
kung ano ang totoo sa iyo?

-"paano nga kaya?", maria baleriz

Walang komento: