umalingawngaw ang musikang nagmula
sa pagngawa ng sanggol sa kuna
naglakbay sa mga lagaslas ng tubig
ang tinig na kay lamyos sa pandinig
kay lamig sa balabal na papag
ang pagniniig ng habagat at amihan
iniluluwal ng marahan
ang mahinhing liwanag sa karimlan
maingat mong inaninag sa nakapikit na mata
ang larawan ng kagandahang
inanak ng lumisang umaga
-dalampasigan, severino hermoso
Walang komento:
Mag-post ng isang Komento