huwag mong ipagkait ang tangan mong ilaw
kay daming umaasa sa hatid mong tanglaw
upang ang madilim na daang kanilang tinatahak
kahit papaano'y maaninag at makaiwas
sa nagbabantang lubak at pagkapahamak
pahiram ng iyong ningas kaibigan, kasama
at tulutan ng alab ang nahihimbing kong pandama
hayaan mong sa pinagsama-samang apoy
na sa atin di malaong magliliyab
magbabaga ang pakikibaka ng libong taong paghihirap
-severino hermoso
ang larawan ay mula sa fineart america
Walang komento:
Mag-post ng isang Komento