nahulog ako kasama ng mga luha
at dahan-dahang sumama
sa nilagapakang lupa
ako'y dagtang iniluwal
ng mga nagalusang dahon
at nagasgas na katawan ng punongkahoy
pilat ng nakaraan
ang nagpapatindig
hanggang ngayon
dugong sumulpot sa balat
na nasugatan
walang sing tingkad ang pula at katapangan
luha. pawis. at dugo
ang handa kong ialay
para sa asam na paglaya
bakit ko ipagkakait na ibigay?
-'alay', severino hermoso
hulyo 22, 2008
ang larawan ay mula sa fineart america
Walang komento:
Mag-post ng isang Komento