hinahanap kita sa mga rosas at katleya
bago pa man tumilaok ang manok sa umaga
nasilayan ko kung paano lumuha ang hangin
mga luhang sinalo ng mga bulaklak sa hardin
sa halimuyak tiyak na walang papantay
kariktang tangan ay tumingkad lalo sa kulay
habang lumilipad ang lanay-langayan
umaawit ng isang himig ang sambayanan
nais kong matagpuan ang awit ng paglaya
sa takipsilim ng buhay 'di dapat magpabaya
tumakas na ang takot kahit buhay itataya
kahit nagtatanong kung maaabot ka pa kaya?
-maria baleriz
ang larawan ay mula sa fineart america
Walang komento:
Mag-post ng isang Komento