"...at binaybay ng pluma ang dahon ng mirasol
nililok ang karanasan ng mga uring nagtatanggol
hinabi ang mga titik at salita
ng ilang daang taong pakikibaka
mga parirala
mga pangungusap
mga talata
mga sanaysay
mga kwento
at mga tula
na kahit pa nga balot ng talinghaga
agad nating nauunawa
sapagkat binibigkis ng iisang wika ang nadarama
kubkob tayo ng hirap ng pagsasamantala
kung kaya kagyat na natatalos ang kahulugan
ang diwa
ang ibig ipadama..."
ang larawan ay mula sa fineart america
Walang komento:
Mag-post ng isang Komento